NAHUMAN NA GYUD ang tuig! Pagkadali sa panahon! Wa gyud ko magdahom nga ingun ani ka paspas mahuman ang School Year 2007-2008, murag gahapon ra man to tanan! Panahon na pud sa pag-lingi sa kagahapon aron sa pagpangutlo ug mga pagtulun-an aron sa umaabot nga mga panahon ( char!) Haay, I guess it’s finally time to say goodbye na gyud (sa mga mu-graduate ra!). Murag lisod huna-huna-on nga pagkahuman sa pila ka bulan nga pakigbisog sa pagpangupya, pagpangayo ug papel, ug paglaroy-laroy dinhi sa VSU, kinahanglan na gyud nga mubiya (kadali ra noon kay first year pa man ko!). Labi na kung mu-santop sa akong alimpatakan nga sa sulod sa duha ka semester nga paglatagaw ug pag-laruy laroy nako dinhi sa campus, daghan na ko ug mga butang nga nakat-unan ug dili makalimtan. Mga butang nga sa unang tan-aw, kataw-anan apan angay pud hinuktukan ug hinuklugan sa makadaghan—mga butang, panghitabo,ug mga pamulong nga dili nimo makita sa laing dapit,ug mga butang nga only-in-VSU lamang.
Internal sa Internal Clearance
Mokuha ka ug internal clearance? Mu-transfer? Aw, mu graduate! Unaha pag pa pirma ang internal sa internal clearance! Kinahanglan magpa autograph pa ka daan sa halos tanan sa inyo department ug college before ka makapaso. Okay ra na, tanan nag-una nimo niagi ana, makabalos man pud ka kay ang nagsunod nimo muagi man pud ana. Ayaw kalimot sa pagdala ug detector or kung wala kay detector pag-practice daan ug duwa uh hide-and-seek kay mao nay paborito sa imong papirmahan.
See you around!!
After 2 semesters na-prove gyud nako nga maayo mu-tagna ‘tong mga speakers namo pag orientation sa mga freshmen. See you around gyud diay kay mu-adto pa mi sa ila kay kuhaon pa namo ang ilang gi-saad nga handbook. Attention Freshmen: ayaw mo panguha ug rambutan or santol kay bawal na! Kung gusto ka makasabot ngano ug kung unsay consequence, kuhaa imong Student’s Handbook. Ingun si Zaido Pink human na daw ug print ang Handbook nalang gyud daw mismo ang kulang.
Fall in Line
Kung kaya nimo dili mamahaw bisan naay klase, kung assessment ayaw nalang pagdahum kay basin makuyapan ka! Ug kung musamot ka ug kadugay kay si babae sa bintana nilakaw pa kay naay gikuha o nakigtabi ba kaha, ayaw katingala—tan-aw sa imong relo ug ayaw nalang palag kung 9 a.m. na o di ba kaha 3 p.m. na kay ting recess na nga mga orasa. Ayaw pud katingala kung sayo na sila magsirado, kung dapat 5p.m. na sila kutob, 4:30 pa mu-close na na sila kay magpakaon pa na sila sa ilang baboy! Ayaw pud katingala kung naay mu-sulod ug kalit nga mga parents nga empleyado kay magbayad o magkuha sa assessment slip sa ilang mga anak kay ana gyud na dinhi—palangga sa mga empleyado ilang mga anak!
REMINDER: Dili mall nang peach nga building, daghan lang gyud na ug tawo kung ting-exam na hapit.
“Estudyante ka? Asa imong I.D.?”
"Estudyante ka, dong? Asa ang imong I.D.???"
Kung gusto ka mu-sulod sa VSU campus, andama nalang imong kaugalingon sa ambush nilang manong diha sa gate! Ayaw nalang gyud katingala labi na ug ma-timingan nga ikaw ilang ma-tripan nga sitahon. Ayaw gyud palabi ug walay tulog ug walay kaligo kay inig labay nimo sa gate nga nanghubag imong eyebags ug nagkagubot pa imong buhok, nah, siguradong sangit ka kay dili ka studyante sa ilang panan-aw. Maayo pud siguro ni nga policy kay para matudloan ang mga estudyante ug good grooming—kana bang murag estudyante ang dating sa panan-aw sa guard, naka long sleeve, slacks ug black shoes. Kay kung naka plain clothes ra ka o naka P.E. or course uniform, sitahon gyud ka.
REMINDER: Para dili ka sitahon sa Guard, gamita ang uniform sa imong tatay nga nagtrabaho sa Admin, pati iyang I.D., sigurado, dili ka ambush-on, mu-salute pa nu-on na sila nimo!
ENROLLMENT
Bits of friendly advice for incoming freshies:
Kung gikan pa ka ug layo, paniguro na lang nga naa kay ka-tulugan kay sa kadaghan sa akong napangutana, wala pa gyuy ni ingon nako na nahuman sila ug enroll within 1 day.
Kung naay high blood imong mama ug rayumahon imong papa, ayaw sila ipauban kay dili nila makaya ang trail running!
Pagdala daan ug tubig ug paypay, apila pud imong MP3 o MP4 para dili ka laayon. Kung naa muy portable aircon, pwede gihapun!
Pagdala pud ug daghang kwarta ug snacks para di ka magutman.
Pag sige na ug Jogging 1 month prior to enrollment.
Para sa dili na fresh:
Ayaw to-o sa ilang i-set nga schedule para sa imong year, kung di ka mu-sayo, ma closan na ka!
Mas maayo kung magpa-pre registration ka daan.
I-apil pag-consider ang 5 ka advice para sa Incoming Freshmen
Quote for the day:
Patience is a virtue,
Patients are another thing!
Emergency Exit
You might have seen these "Emergency Exits" Around Campus
Ayaw pataka ug sulod sa mga building—basin ma-jaywalking ka! Basaha daan imong gi-agian kay basin Emergency Exit na! Only in VSU ra gyud na—dinhi ra ka makakita ug building nga walay main door kay emergency exit nalang tanan nabilin! Pero don’t worry, double purpose na, pwede pud na gamiton nga entrance o emergency entrance ba kaha!
TIP OF THE DAY:
Look at the bright side of things( tan-awa kung unsa ka nindot ang pagka-lettering sa Emergency exit nga sign board—artistic ang nag paint noh?)
Culmination
Kung naa mo’y culmination sa inyong P.E., that’s normal—it’s actually S.O.P. pero kung naa mo’y culmination sa inyong speech or sa inyong SocSci 15 pakantahon ug pasayawon mo, that’s not basically normal! Unsay konek sa Philippine history and constitution og sa Speech sa kanta ug sayaw? Siguro kanta acceptable ra sa speech! Pero bisan dili ka ganahan, attend lang gihapun kay basin ug ma INC hinuon ka. Or kung gusto ka makahibaw nganong kanta ug sayaw ang major performances sa inyong culmination, aw, imong instructor duola.
Moral:
Be thankful—pasalamat ka walay culmination tanan subjects nimo!
Fines
Dili tinuod nga mga putli uyamot, kabus ug timawa ang mga estudyante sa VSU! Kung kahibaw palang na sila tag pila ka gatos ang bayranan sa mga estudyante kung hapit na ting-exam, and take note, fines palang na! Yes, fines pa lang yan! Dili na uso nang balaod dinhi nga dili pwede mangulekta ug fines and payments except donations, membership fees, ug voluntary nga pagbayad. Aw, unsa ba diay, voluntary man diay nang fines noh? Di baya ka pugson sa mga officers sa inyo Organization o Student Council nga bayaran na imong fines, basta ayaw lang pud sila pugsa nga pirmahan pud imong clearance para makakuha ka ug exam permit! Ang SEB pud, dili man pud na sila mamugos nga mu-vote ka, ayaw lang pud sila pugsa nga mu-pirma sa imong clearance! Way pugsanay, way balibaray!
Trash Can
Trashcans donated by foreign agencies.
Unsay naa sa atong trash can? Aw, tan-awa lang, branded ‘yan, pare! Gikan abroad gud na kay foranger ang ni-donate. Tan-awa ug balik, kumpleto na ug label bai, bio degradable ug non-biodeg, naa pa gyuy taklob ug ligid! Asa ka mangita ana? Diri ra na sa VSU! Pero tan-awa gani palihog ang sulod. Sayang ang pintal nga gigamit sa label kay ang sulod bisan unsa ra, papel(biodeg), plastic wrappers(non-biodeg), bato(What? Unsay classification ani?) ug uban pa!
BISAN ASA ka mu-lingi dinhi ra gyud na nimo makita! After all, these things are among the pieces that complete the puzzle—bisan unsaon apil na ni sila sa nakadugang ug kinabuhi sa atong campus. And after all, these are some of the things that moulds a true-blue ViSCAN or a true-blue VSUan like me and you. Kataw-anan sa unang tan-aw pero sa pagka tinuod, kataw-anan gyud!!! Dili na lang pud ta manghinaot nga magpadayon ning mga butanga sa pagpakatawa nato kay basin muabot ang panahon nga tungod aning mga butanga, kitang tanan na dinhi sa VSU ang mahimong kataw-anan.